The unity of the nation is the true tribute we can pay him.

ముందుగా సర్దార్ వల్లభాయ్ పటేల్ గారి చిత్రపటానికి శ్రీ గుడిబండ రవి పూలమాలలు వేసి, ఘనంగా నివాళులు అర్పించారు. అనంతరం అక్కడ సమావేశమైన నాయకులు, కార్యకర్తలను ఉద్దేశించి ఆయన స్ఫూర్తిదాయక ప్రసంగం చేశారు. భారతదేశ ఐక్యత, సమగ్రత కోసం సర్దార్ వల్లభాయ్ పటేల్ చేసిన నిస్వార్థ సేవలు చరిత్రలో చిరస్మరణీయంగా నిలిచిపోతాయని ఆయన కొనియాడారు. స్వాతంత్య్రానంతరం అనేక సంస్థానాలుగా విడిపోయి ఉన్న దేశాన్ని తన అద్భుతమైన రాజకీయ చాకచక్యంతో, ఉక్కు సంకల్పంతో ఏకం చేసి జాతీయ సమైక్యతకు బలమైన పునాది వేసిన గొప్ప దార్శనికుడు పటేల్ అని కీర్తించారు.

నేటి యువత పటేల్ గారి జీవితాన్ని ఆదర్శంగా తీసుకోవాలని శ్రీ గుడిబండ రవి సూచించారు. ఆయన ఆశయాలు, కఠినమైన క్రమశిక్షణ, నిరుపమానమైన దేశభక్తి భావితరాలకు దిక్సూచి లాంటివని పేర్కొన్నారు. కుల, మత, ప్రాంతీయ భేదాలను విడనాడి దేశ ఐక్యతను కాపాడుకుంటూ, సమాజ సర్వతోముఖాభివృద్ధికి ప్రతి ఒక్క పౌరుడూ అంకితభావంతో కృషి చేయడమే ఆ మహనీయునికి మనం అర్పించే నిజమైన నివాళి అని ఆయన పిలుపునిచ్చారు.

జాతీయతా భావంతో, భారత్ మాతా కీ జై నినాదాలతో మార్మోగిన ఈ కార్యక్రమంలో జనసేన నాయకులు, కార్యకర్తలు పెద్ద ఎత్తున పాల్గొన్నారు. ముఖ్యంగా జనసేన పార్టీ దేవరకద్ర పిఓసి (POC) మెంబర్ మరియు తాటిపర్తి గ్రామ 2వ వార్డు మెంబర్ గోపే లక్ష్మీనారాయణ, విజయ్ గౌడ్, బి. రామస్వామి, గోకారి మహేష్ తదితరులు ఈ కార్యక్రమంలో పాల్గొని పటేల్ గారికి ఘనంగా ఘనంగా అంజలి ఘటించారు.