ప్రజా సంక్షేమమే ధ్యేయంగా “ప్రజా పాలన” – పేద మహిళ వైద్యానికి రూ. 2.50 లక్షల LOC మంజూరు చేయించి మానవత్వం చాటుకున్న నారాయణపేట ఎమ్మెల్యే డాక్టర్ చిట్టెం పర్ణికా రెడ్డి గారు
– జనరంజక ముఖ్యమంత్రి శ్రీ అనుముల రేవంత్ రెడ్డి గారి దార్శనికత, ఎమ్మెల్యే గారి ప్రజా సేవకు మరొక నిదర్శనం!
– మరికల్ మండలం ఎలిగండ్ల గ్రామానికి చెందిన నిరుపేద మహిళ అరుణమ్మ ఆపరేషన్ కోసం రూ. 2.50 లక్షల నిధులు మంజూరు.
మరికల్ . నారాయణపేట:
నారాయణపేట నియోజకవర్గ ప్రజల కష్టసుఖాల్లో నిరంతరం తోడుగా ఉంటూ, “పేదల పాలిటి పెన్నిధి”గా నిలుస్తున్న ప్రజాదరణ పొందిన యువ శాసనసభ్యురాలు డాక్టర్ చిట్టెం పర్ణికా రెడ్డి గారు మరోసారి తన ఉదారతను, మానవత్వాన్ని చాటుకున్నారు. ప్రజా సంక్షేమమే పరమావధిగా పరిపాలిస్తున్న మాన్య ముఖ్యమంత్రి శ్రీ అనుముల రేవంత్ రెడ్డి గారి నేతృత్వంలో సాగుతున్న “ప్రజా పాలన”లో ఏ ఒక్క నిరుపేద కూడా వైద్యం అందక ఇబ్బంది పడకూడదనే సంకల్పంతో ఎమ్మెల్యే గారు అహరహం శ్రమిస్తున్నారు.
ఈ క్రమంలోనే, మరికల్ మండలం ఎలిగండ్ల గ్రామానికి చెందిన నిరుపేద మహిళ అరుణమ్మ (తండ్రి చాకలి మల్లేష్) తీవ్రమైన అనారోగ్య సమస్యతో బాధపడుతూ, ఆపరేషన్ చేయించుకోలేని దీన స్థితిలో ఉన్న విషయాన్ని తెలుసుకున్న ఎమ్మెల్యే డాక్టర్ పర్ణికా రెడ్డి గారు వెంటనే స్పందించారు. “ప్రజల ఆరోగ్య భద్రతే నా ప్రథమ ప్రాధాన్యం” అని నిరూపిస్తూ, ఆమె శస్త్రచికిత్స నిమిత్తం ముఖ్యమంత్రి సహాయ నిధి (CMRF) ద్వారా రూ. 2,50,000/- (రెండు లక్షల యాభై వేల రూపాయలు) విలువైక LOC (Letter of Credit) నిధిని మంజూరు చేయించారు.
హైదరాబాద్లోని ప్రతిష్టాత్మక నిమ్స్ (NIMS) ఆసుపత్రిలో అరుణమ్మకు అత్యంత అరుదైన ‘సాక్రల్ నర్వ్ న్యూరోమాడ్యులేషన్’ (Sacral Nerve Neuromodulation) శస్త్రచికిత్స కోసం ఎమ్మెల్యే గారు ప్రత్యేక శ్రద్ధ తీసుకుని ముఖ్యమంత్రి గారికి ప్రతిపాదనలు పంపగా, ప్రజా సమస్యలపై ఎల్లప్పుడూ వేగంగా స్పందించే ఉదార మనస్కులు ముఖ్యమంత్రి శ్రీ అనుముల రేవంత్ రెడ్డి గారు తక్షణమే రూ. 2.50 లక్షల LOC మంజూరు చేస్తూ ఉత్తర్వులు జారీ చేశారు (Lr. No. 10269/CMRF-LOC/2026, తేదీ: 30-07-2026).
“మా కుటుంబానికి కొండంత అండగా నిలిచారు” – లబ్ధిదారుల ఆనందబాష్పాలు:
ఆపద సమయంలో తక్షణమే స్పందించి రూ. 2.50 లక్షల ఉచిత వైద్య సాయం అందించి తమ కుటుంబాన్ని నిలబెట్టిన ప్రియతమ ఎమ్మెల్యే డాక్టర్ చిట్టెం పర్ణికా రెడ్డి గారికి, అలాగే ప్రజా సంక్షేమమే ధ్యేయంగా పనిచేస్తున్న ముఖ్యమంత్రి శ్రీ అనుముల రేవంత్ రెడ్డి గారికి లబ్ధిదారురాలి కుటుంబ సభ్యులు మరియు ఎలిగండ్ల గ్రామస్తులు హృదయపూర్వక ఆత్మీయ ధన్యవాదాలు తెలియజేశారు. “మా కష్టాన్ని విని వెంటనే స్పందించిన ఎమ్మెల్యే గారి రూపంలో మాకు దైవం కనిపించింది” అని అరుణమ్మ కుటుంబ సభ్యులు ఆనందం వ్యక్తం చేశారు.
ఈ కార్యక్రమంలో కాంగ్రెస్ పార్టీ జిల్లా ఉపాధ్యక్షుడు సూర్య మోహన్ రెడ్డి అన్న గారు మరికల్ టౌన్ ప్రెసిడెంట్ హరీష్ కుమార్ గారు వెంకట్ రెడ్డి గారు ఒకటో వార్డు మెంబర్ రఘు గారు ఎలిగేండ్ల గ్రామ కాంగ్రెస్ పార్టీ నాయకుడు చాకలి చిన్న బాలు గారు అనిల్ కుమార్ గారు తదితరులు పాల్గొన్నారు.